TRANSLANGUAGING PROIEKTUA

Translanguaging proiektu didaktikoa 2014 urtean jarri zen martxan Landako Eskolan

TRANSLANGUAGING PROIEKTU DIDAKTIKOA 2014 urtean jarri zen martxan Landako Eskolan, DREAM ikerketa taldeak bideratuta (Donostia Research in Education and Multilingualism ) eta bertako ikertzaileak bideratuta: Durk Gorter, Jasone Cenoz, Xabier Etxague eta Itziar Elorza. Urtero berriztatzen dugu proiektua, Hezkuntza Saileko Eleaniztasunerantz deialdiaren bitartez

DREAM ikerketa taldeak, Eusko Jaurlaritzako Hezkuntza, Hizkuntza Politika eta Kultura Sailarekin batera garatutako programa honek ikasleen euskara gaitasuna eta gaitasun eleanitz orokorra areagotzeko helburua du.

Proiektuaren helburua, eskolan ematen den ikasketa prozesuan, hizkuntzen gaitasunak hobetzea da. Terminoa hedatu egin da eta code-switching edo kodeen alternantzia deitu ohi zena barne hartzen du, eta eleaniztasun hartzailearekin nahiz hizkuntzen curriculum integratuarekin lotuta dago.“Fokapen eleaniztuna” deitzen dugunaren ideia nagusia da ikasleen gaitasunak pertsona eleaniztuna diren aldetik baloratu behar direla, hizkuntzek elkar elika dezaten. Gure testuinguruan, noski, lehentasunezkotzat jotzen ditugu euskararen garapena eta erabilera.

Fokapen tradizionala

Ikuspegi tradizionalean, hizkuntza bakoitzak bere esparrua du, ez dago hizkuntza ezberdinen arteko elkarrekintzarik.

Fokapen eleaniztuna

Eleaniztasunaren ikuspegian, hizkuntzak elkar elikatzen dira, hizkuntza bakoitzaren ikaskuntza guztien elkarreraginetik dator.

Beraz, translanguaging markoak gela barruan jarduera berean, hizkuntza desberdinak erabiltzeko estrategiak diseinatzera eramaten gaitu. Estrategia hauek ikaslearen kontzientzia metalinguistikoa handitzea dute helburu, finean, hizkuntzen ikaskuntza eta erabilpena handitzeko. Marko honek Euskararen eta beste hizkuntzen irakats prozesu irekiago eta malguagoak proposatzen ditu.

Helburuak

Ikasleen gaitasun eleaniztuna hobetzea euskaraz, gaztelaniaz eta ingelesez.
Ikasleen kontzientzia eleaniztuna eta kulturartekoa bizkortzea.
Ikasleen euskararen erabilera indartzea eta ezagutza eta erabileraren artean zubia sendotzea.
Gaitasun ez-linguistikoak hobetzea, ikasleekin esku-hartze linguistikoa eginez.

Metodoa eta jarduerak

Translanguaging proiektuak lau interesgune nagusi ditu. Modulu bakoitzak garrantzi handiagoa emango dio bati edo besteari, eta askotan bati baino gehiagori.

Kontzientzia metalinguistikoa suspertzea

Ikasleek kontzientzia hartzen dute eleaniztun gisa dituzten baliabideez:

Hizkuntzez errazago jabetzeko;
Lehendik dakizkiten hizkuntzen ezagutzan sakontzeko

Hizkuntzekiko kontzientzia suspertzea

Ikasleek mundu zabaleko eta beren herrietako errealitate eleaniztunaren kontzientzia hartzen dute
Ikasleek euskararen erabileraren inguruan kontzientzia hartzen dute

Askotariko “literacy” trebetasunak garatzea

Ikasleek irakurmena, idazmena, entzumena eta mintzamena garatzen dituzte
Ikasleek hainbat diskurtso-mota garatzen dituzte

Hizkuntza eta edukia uztartzea

Ikasleek edukiak (matematika, gizarte-zientziak eta abar) erabiltzen dituzte hizkuntza arloetan eta hizkuntza desberdinetan.
Ikasleek arreta handiagoa jartzen diote hizkuntza berari eta bere edukiei.